كركبة: ألعاب جماعية بدون نت

كركبة تحوّل أي سهرة لضحك وحماس! ألعاب جماعية للشلة والعائلة، كلها على جوال واحد يتمرّر بينكم، وتشتغل بدون نت.

القنبلة
تطلع فئة، وكل واحد يقول جواب ويمرّر الجوال بسرعة… القنبلة تنفجر بوقت سري، واللي تنفجر معه يخسر قلب!

المحتال
كل واحد يقول كلمة وحدة تلمّح للكلمة السرية، والمحتال يحاول يندس بينكم بدون ما ينكشف.

مين برا؟
الكل يعرف الكلمة السرية إلا واحد. اسألوا بعض بالدور، ناقشوا، وصوّتوا: مين برا السالفة؟

لو خيروك
لفّ العجلة، واللي توقف عليه يختار بين شيئين… والشلة تسأله: ليش؟

مافيا
واحد منكم الراوي، والباقين ياخذون أدوارهم بالسر: مافيا، محقق، دكتور ومواطنين. بالليل المافيا تتحرك، وبالنهار المدينة تتناقش وتصوّت. مين بيكشف المافيا قبل لا تكسب؟

الأوامر
العجلة تختار… وأنت تنفّذ! أوامر مضحكة تخلّي الكل يضحك، ولا تقدر تهرب منها.

جوالك على راسك
حط الجوال على جبهتك والشلة تشرح لك الكلمة أو تمثّلها. نزّل الجوال إذا عرفتها، وارفعه إذا تبي تعدّي!

صدق ولا كذب
احكِ ٣ قصص عن نفسك: ثنتين صدق ووحدة كذب. الشلة تصوّت… مين بيكشف الكذبة؟

ممنوع تقول
فريق ضد فريق: اشرح الكلمة لفريقك بدون ما تقول الكلمات الممنوعة، والفريق الثاني يراقبك!

مين فينا؟
«مين فينا أكثر واحد ينسى جواله؟» على ٣ الكل يأشّر… وآخر السهرة نشوف نجم الليلة.

ليش كركبة؟
• ألعاب تخمين وكلمات وأسئلة وتحديات تضحّك الكل
• من ٢ إلى ١٦ لاعب، تناسب الشلة والعائلة
• آلاف الكلمات والأسئلة والأوامر، وما تتكرر لين تخلص
• تحددون بنفسكم وقت الجولة وعدد القلوب ووقت النقاش
• لكل لعبة «كيف نلعب؟» بخطوات بسيطة
• تصميم عربي مرح من أوله لآخره، على الآيفون والآيباد
• بدون نت، بدون حسابات، بدون إعلانات، وبدون جمع أي بيانات

جهّزوا الجوال… وخلّوها كركبة!