شوط شوط Sho6Sho6: لعبة أسئلة

شوط شوط – لعبة أسئلة جماعية كويتية تضيف جو جديد وممتع لجمعتكم!
مصممة للربع والعائلة والدواوين: تلعبون كفريقين على شاشة وحدة، وتتنافسون بالأسئلة والتحديات والسوالف.

شلون تلعبون؟
في كل جولة تختارون 6 فئات، وكل فئة فيها 6 أسئلة تتدرج من السهل للصعب، يعني 36 سؤال يختبر ذكاءكم ومعلوماتكم ويشعل الحماس بين الفرق.

أكثر من ٩٠ فئة:
ثقافة عامة، معلومات، أمثال شعبية، ألغاز وحزازير، صور وشعارات، والكثير غيرها… مع فئات جديدة بشكل دوري.

١٤ لعبة تفاعلية:
مو بس سؤال وجواب! فيها «كلمة» الجديدة، رسم، تخمين الصور، قول الكلمة، الذاكرة، الحساب، الألوان، العدّاد، ضربات الجزاء، وتحديات ثانية تخلي الديوانية كلها تشارك.

القوات الإضافية (اختيارية) اللي تقلب اللعب:
"علي و على أعدائي": تبدّل فئة كاملة بفئة عشوائية.
"السستم عطلان": تجبر الفريق الثاني يجاوب سؤال عشوائي.
"ورث أبوي": يعطيك أو يسحب منك نقاط بين -1200 إلى +1200.
"دبلها": تضاعف نقاط السؤال الجاي.
"فوق تحت": تطلع من السؤال وتختار غيره.

المستويات والمكافآت:
كل ما تلعب أكثر يرتفع مستواك، تفتح أفاتارات مميزة، وتبرز اسمك في قوائم المتصدرين.

سوّ أسئلتك بنفسك:
تقدر تضيف أسئلتك وتشوف كم لاعب جاوبها صح أو غلط، وكل سؤال يتقبل يرفع مستواك.

ليش شوط شوط؟
• لعبة مسابقات وأسئلة باللهجة الكويتية للجمعات والدواوين والطلعات.
• مناسبة للعائلة والربع وليالي الخميس.
• تحكم سهل وواجهة بسيطة.

خصوصيتك تهمنا: نستخدم فقط المعلومات الأساسية لتجربة لعب سلسة وآمنة.

نصيحة: جمّع ربعك، جرّبوا القوات الإضافية، واستعدوا تضحكون وتتحمسون!

شروط الاستخدام: https://www.apple.com/legal/internet-services/itunes/dev/stdeula/